eid mubarak

اے سطوتِ جاں، نورِ نظر عید مبارک
اے پارہء دل، لختِ جگر عید مبارک
اے تُکمہء خورشیدِ فلک، رفعتِ لولاک
اے رونقِ شب، جانِ سحر عید مبارک
اے ماہِ شبِ چار دہم عید مبارک
اے لیلیٰ ء افکار و ہنر عید مبارک
اے ہوش رُبا، دشمنِ ایمان مفصّل
اے باعثِ ہنگامِ حشر عید مبارک
اے پیکرِ گُل، نغمہء جاں، رشکِ زلیخا
اے نجمِ سحر، رشکِ قمر عید مبارک
اے غمزہءجاں تیری ہی زلفوں کی مہک سے
جاری ہے یہ خوشبو کا سفر، عید مبارک
اے جُرّاء مے، جانِ سبو، جوہرِ مینا
اےرہزنِ صد ہوش و خبر عید مبارک
ہم تک تو ابھی تک تیرا پیغام نہ آیا
تجھ کو ہی تہہِ دل سے مگر عید مبارک
اک بار کہا دل نہ بھرا تجھ کو کہیں گے
اے رشکِ خرد، بارِ دگر عید مبارک
خالد راوت