Friday, April 24, 2015

Ghazal

Ghazal
bin tumhare deed ke kis toor se zinda hoon main?
Jaa.N garafta hoon bohut hi dil paraganda hoon main!

Chain kyoon aata nahin he us ko bin dekhe hue?
kya shikar e panja e aasaib e nadeeda hoon main?

us ke pather dil pe koi bhi asar hoga nahin!
laakh hoon daman dareeda , laakh gham deeda hoon main!

kyoon nidamat ho mujhe jo us ko dekha be hijaab?
Ab talak tha kyoon na dekha? is pe sharminda hoon main!

Ye na tu mujh ko bata ke kyoon ayaa.N he kainaat!
Aye mere dil ye bata kyoon khud se poosheeda hoon main?

Aap he hoon raz e dunya, aap he "ho" "ha" hoon main!
Aye Ali Al Murtaza bas aap ka banda hoon main!

khalid jamil rawat