Sada-e-ishq mujhe her jagah sunai de
her aik cheez mujhe juzw-e-kul dikhai de
khuda kare ye siyah raat tere aa.nchal ho
Dhale jo raat tu chehra tera dikhai de
Mai.N aik darya hoo.N jis ko hayat ki manzil
Samandaroo.N ke siwa aur na dikhai de
Ghazal
Aaaj he aaya junoo.N ba soorat-e-sail-e-rawaa.N
Dekh na nikle tere qadmoo.N se zanjer-e-garaa.N
Ta abad baqi rahai.N jo bhi tarashe hai.N sanam
Aur sijdoo.N ke jabinoo.N per rahai.N baqi nishaa.N
Dhaal de usko kisi bhi paiker-e-takhleeq mai.N
Dil mai.N tere bas gaya he jo khuda ban ke gumaa.N
Aik lamhe mai.N zamana ke taghayyur ke taee.N
rait ke ghar ki tarah banta bigardta he jaha.N
taba phir mayal ba sehra he mujhe kia he khaber
Le ke jaye ge mujhe uftaad ye meri kaha.N
Aaj phir deta he dastak phool pe dast-e-khizaa.N
Surkh rangat pe guloo.N ki dalne peele nishaa.N
No comments:
Post a Comment