ghazal 10-
Tujh pe khul jaye ke kiya he dil-e-bismil hona
Gar tere dil ko mayassar ho mera dil hona

Ker ke aaiena he is dil ko bata doo.N tujh ko
Tujh se aasaan nahi.N madd-e-muqabil hona

Kiya zaroori tha yaha.N sir ko patakne ke liye
Ishq ko mooj tere husn ko saahil hoona

Qeemat-e-deed ada kerne ko laazim he yahaa.N
Darmayaa.N husn-o-nazar ke koi mehmil hoona

Is ko banna tha kisi seena-e-bebaak ka dil
Kiya zaroori tha mere dil ko mera dil hoona

Husn ko chahiye ger ishq ke qaabil hoona
Chahiye dil mai.N bhi pehle sa wo kas bal hoona

Sun ke is dil ke kahaani ko hamesha ki tarah
Tujh ko hoona he ager tha to tha ghafil hoona

ghazal 11

Tere diyaar mai.N jo bhi kamal ko pohncha
Wo goya moot se bhi talkh haal ko pohncha

Ye rehguzar he yahaa.N jo koi bhi he aayaa
Wo payemaal hi kerne nihaal ko pohncha

Charha he jo bhi sitara yaha.N bulundi per
Wo tere hukm se waapas zawaal ko pohncha

wo khush gulu ke nawaa goonjti thi jis ki yahaan
BataaooN kiya mai.N bhala kaise haal ko poohncha

likha ke laayaa he zillat he wo muqaddar mai.N
Kisi bhi tarz ke jo yaa.N kamaal ko pohncha

Yahaa.N pe maskh he hote hai.N yaar naqsh-e-jamaal
tu kis diyaar mai.N auj-e-jamaal ko pohncha

ghazal 12-

sawaal ye tu nahi.N he ke kiya haqiqat he
Sawaal ye he ke kiya sach ki koi qimat he

Jo dikh rahi he wohi he haqiqat-e-mutliq
Jo saamne he mere bas wohi sadaaqat he

Theher gaya he jo mujh pe wahi he waqf-e-azab
Guzar rahi he jo dil per wohi qiyaamat he

jahaa.N se mawra bhi kiya koi haqiqat he
Ye janne ki hamai.N kiya koi zaroorat he


ghazal 13

Aabaad mai.N bhi zeest ke arzaa.N nagar mai.N tha
Kaa.Nta teri nigah ka jab tak jigar mai.N tha

Ab kiya kahai.N kisi se ke kiya kiya nazer mai.n tha
Sehra ka chand aakhr-e-shab ko safar mai.N tha

Raste pe baad-e-mai kashi parte na the qadam
Behad ajeeb sa nasha kal shab dager mai.N tha

Pehle pehel nazar jo mili tu na kuch hua
per shaiba sa ishq ka bar-e-digar mai.N tha

ghazal -14

khaber mili the yahi ke khaber koi bhi nahi.N
Gae the dekhne aaya nazar koi bhi nahi.N

Yehi laga ke tahi hai.N ye aasmaan-o-zami.N
Idher bhi koi nahi.N he udher koi bhi nahi.N

Tu kiya ye sach he ke koi wajood kuch bhi nahi.N?
Mera wajood he kiya , he ager koi bhi nahi.N

Buhut he door he dunya tere thikaane se
Teri talaash mai.N aaya idher koi bhi nahi.N

ghazal-15

mere habib tujhe meri kuch khaber hi nahi.N
mere fugha.N ka tere dil pe kuch asar hi nahin

Ye lafz jo mere sene ko cheer dete hai.N
Sama'atoo.N pe tere in ka kuch asar he nahi.N

Nazar se dekh chuka kehkashai.N mit te hue
so aaftaab ke dhalne ka koi dar he nahin

wo poochta he ke ab zakhm-e-jigar kaisa he
ke jaise aa.Nkh laho se jigar ke tar he nahin

kia he ishq ki be hooslagi mai.N jo ham ne
Safar he aisa ke aisa koi safar he nahi.N

ghazal 16

Mizaaj pursi ko meri sajan nahi.N aaye
Mai.N muntazir he raha gulbadan nahi.N aaye

Guloo.N ne bagh mai.N kooshish hazar ker dekhi
Pe mere yaar se un ko chalan nahi.N aaye

Khile hai.N jaise teri shakh-e-badan per janaa.N
Kisi bhi shaakh per aise saman nahi.N aaye

Bicha ke jaal pe saaN.soo.N ke oordh le is ko
Ju tere sir pe rida-e-kiran nahi.N aaye

ghazal 17

tahayyurat hai.N ajza-e-qissa-e-yousuf
Nigar khana he dunya-e-qissa-e-yousuf

biyaa.N he ja ba'ja yousuf ke husn ki babat
khafi he husn-e-zulekha-e-qissa-e-yousuf

Aziz-e-misr-o-zulaikha-o-daman-e-yousuf
Buhut he khub hai.N ajza-e-qissa-e-yousuf

Na aql se na hakoomat se na khudai se
Jure hai.N ishq se ajza-e-qissa-e-yousuf

Sahi tardap jo judai ki pir-e-kinaa.N ne
yahi he asl mai.N mimba-e-qissa-e-yousuf

Khuda jo saath chala qafle ke Kinaa.N se
Ye saath bhi he taqaza-e-qissa-e-yousuf

Qasas hazar kahe hai.N sukhanwaroo.N ne yaha.N
Nahi he koi bhi bala-e-qissa-e-yousuf

ghazal 19

lagta he aaj zakhm mere dil ke bhar gae
jo chardh gae the ashk ke darya uter gaye

ab kis taraf ko jata he sail-e-rawan-e-ashk
kuch kushtugan-e-shooq ye lene khaber gae

yousuf ne anaa.N tham le jo mulk-e-misr ke
bigrde hue naseeb bhi is ke sa.Nwar gae

mosa ne asaa maar ke do lakht kiya neel
darya ke paar khair se rewar uter gae

jab se gaya he haath se ye mulke sulemaan
sab loog cheethroon ki tarah se bikhar gae

bandi bana ke le gaya jin ko asur paal(king of assyria)
kuch bhi khaber nahi.N wo qabile kidher gae

marboot ker ke qoom ke ajza ko daaniyaal
sunte the jis watan ki kahani udher gae

ab do he reh gae hai.N qabile jahaa.N main
baqi khaber nahi.N he ke zinda hai.N mer gae