hamd

Hamd
Wo shamma jis ke noor se rooshan he kainat
Taroo.N ke karwaan ki manzil he us ki zaat

Aflaak ki tahoo.N main ik Heera he dostoon
Gehna saki na jis ki kashish mooj e haadsaat

Qazzaq e aql ne ise thama nahin kabhi
Is Durr e bemisaal tak pohonche na us ke haat

Us ganj e be hudood ki he justujo tumhain
Paane ko jis ko kam he bohut arsa e hayat

parde main apne zaat ke bethe ho chup chupa
sunte nahin guzarishain, kerte nahin ho baat?

Paana he ger khuda ko tu dil main talash ker
kion ke nigaah e dil pe ayaa.N he khuda ki zaat!

Khalid Rawat