Ghazal: Chupa Paya Nahi.N Munsif se Jab Taqseer Mai.N apni

Chupa Paya Nahi.N Munsif se Jab Taqseer Mai.N apni
Muqarrar ker ke khud he aa gaya tazeer mai.N apni

Mere Taqseer ne jab her kisi ke dil mai.N ja ker li
Utha ke chal diya basti se her tasweer mai.N apni

Suqum tehreer ka meri ayaa.N jab ho chuka sab per
Mita ke aa gaya dewaar se tehreer mai.N apni

Nahi.N ye tay khuli ya na khuli uryaniyat meri
Na ye ke choor ker bhaga tha kiyoo.N taqreer mai.N apni

Mere ik Khaab ne mujh ko batae ye mazamee.N hai.N
Ghazal ye khaab le ke aa gaya tabeer mai.N apni

By: Khalid jamil Rawat