Ab tak khizaa.N ki yaad mai.N jalta he ik diya
Roshan mere shaoorko rakhta he ik diya
Teri ajal ki phoonK ki taqat se bhi baeed
Ab tak kisi pahard per jalta he ik diya
Aye dushman-e-chiragh sun tujh se jahan mai.N
lene ko intiqaam sulagta he ik diya
Kerne he mujh ko rooshni apne diyaar mai.N
de de mujhe jo paas tu rakhta he ik diya
Daaman bacha le aag se a daae-e-ajal
Kha ker ajal ki phoo.Nk bharakta he ik diya
Munkir kisi bhi toor nahi.N hoo.N tera raqeeb
Dil mai.N tere bhi naam ka jalta he ik diya
Is dil ko ikhtalaaf nahin tujh se aye raqeeb
Tujh ko barah-e-shooq samajhta he ik diya
No comments:
Post a Comment