Bikta yaman ke laal ki qimat bhi he wajood
be qadr musht-e-khaak ki surat bhi he wajood
Jho.Nke hawa ke jis ko ura le gaye the kal
Wo raakh wo ghubar wo husrat bhi he wajood
Wo husn bhi wajood he jis per jami he aa.Nkh
AankhooN main jo basi he wo hasrat bhi he wajood
Maana se door sarhad-e-idraak se pare
Dill main jo aa basi he wo hairat bhi he wajood
Jis ka khayal-e-tifl main maana nahi.N koi
Us rait ke ghubar ki haalat bhi he wajood
Tukre hua jo aaina tu munkashif hua
Wehdat bhi he wajood tu kasrat bhi wajood
Goo.nji the jis mai.N raat gaye ik gudaaz chekh
Wo mukhtasar si khoof ki saa'at bhi he wajood
No comments:
Post a Comment